Fejzullah Hasani

_

Prof. Dr. Fejzullah Hasani është kryetar i Gjykatës Supreme të Kosovës. Hasani ka diplomuar në Fakultetin Juridik të Universitetit të Prishtinës në vitin 1984 si dhe ka marrë gradën shkencore magjistër i shkencave juridike, me temën "Vepra penale, vrasja në afekt", nw vitin 2001. Në vitin 2009 ka marrë titullin doktor i shkencave juridike me temën "Konstatimi i gabuar ose jo i plotë i gjendjes faktike në gjyqësinë penale kosovare". Në vitin 1988 është emëruar gjykatës në Gjykatën Komunale në Kamenicë ku ka ushtruar detyrën e gjyqtarit deri në vitin 1992. Nga viti 1992-1999 ai  ka punuar si avokat në komunën e Kamenicës.

Pas luftës në Kosovë dhe me fillimin e funksionalizimit të gjyqësorit,  nga viti 2000 - 2003 është emëruar dhe ka ushtruar detyrën e kryetarit të Gjykatës Komunale në Kamenicë.  

Nga viti 2002 deri më 2003 ka qenë gjyqtar i deleguar në Gjykatën e Qarkut në Gjilan, dhe më pas nga viti 2003 është emëruar gjyqtar i Gjykatës Supreme të Kosovës. Në periudhën 2009 - 2010 ka ushtruar funksionin e zëvendës kryetarit të Gjykatës Supreme, derisa më 16 Shkurt 2010, nga  Presidenti i Republikës është dekretuar kryetar i Gjykatës Supreme të Kosovës. Sipas detyrës zyrtare, po nga viti 2010, z. Hasani ushtron edhe detyrën e kryetarit të bordit të Institutit Gjyqësor të Kosovës.

02.02.1960

• 2000 - 2003 kryetar i Gjykatës Komunale në Kamenicë,

• 2002 - 2003 gjyqtar i deleguar në Gjykatën e Qarkut në Gjilan,

• 2003 -2009 gjyqtar i Gjykatës Supreme të Kosovës,

• 2009 - 2010 zëvendës kryetar i Gjykatës Supreme,

• 16.02.2010, nga  Presidenti i Republikës është dekretuar kryetar i Gjykatës Supreme të Kosovës,

• 16.02.2010, Sipas detyrës zyrtare, po nga viti 2010, z. Hasani ushtron edhe detyrën e kryetarit të bordit të Institutit Gjyqësor të Kosovës dhe është kryetar i Komisionit për Provimin e Jurisprudencës.

• Aktivitetet tjera:

  Z. Hasani është profesor në Fakultetin Juridik të Universitetit të Prishtinës, si dhe në Universitetin AAB në Prishtinë. Po ashtu është edhe ligjërues dhe trajnues i gjyqtarëve dhe prokurorëve në Institutin Gjyqësor të Kosovës. Ai ka marrë pjesë në trajnime në fusha të ndryshme të drejtësisë brenda dhe jashtë vendit, përfshirë  në disa vizita studimore në shtete të ndryshme të SHBA-ve. Po ashtu është anëtar i bordit të Institutit për Diplomaci Kulturore (ICD), me seli në Berlin.

• Publikimet:

  "Dashja eventuale te veprat penale kundër trafikut publik";

  "Ekspertiza në procedurën penale";

  "Seanca publike në gjykatën e shkallës së dytë";

  "Krimi i organizuar-karakteristika e krimit të organizuar";

  "Përgjegjësia penale te veprat penale kundër sigurisë së trafikut publik, me vështrim të veçantë përgjegjësia penale e personit përgjegjës";

  "Roli i gjyqtarit të procedurës paraprake në caktimin e paraburgimit";

  "Veçoritë e procedurës penale ndaj të miturve";

  "Raportet në mes të veprës penale të keqpërdorimit të detyrës zyrtare dhe veprës penale marrja e ryshfetit";

  "Masat e fshehta dhe teknikat e vëzhgimit";

  Bashkautor i  modulit 8 për arsimimin ligjor për gjyqtarët dhe prokurorët e rinj, dhe

  Bashkautor i Komentarit të Kodit Penal të Kosovës, 2013.

• • Gjuhët:
  • Shqip     (gjuhë amtare)
  • Serbisht (rrjedhshëm)
  • Anglisht (mesatarisht)