Isa Kelmendi

Isa Kelmendi, me 13 qershor 2017 është dekretuar nga Presidenti i vendit, gjyqtar në Gjykatën Supreme. Ka diplomuar në Fakultetin Juridik  të Universitetit të Prishtinës në vitin 1979.  Në vitin 1986, mbaroi provimin e jurisprudencës. Praktiken profesionale e kreu në Gjykatën e Qarkut në Pejë, në vitin 1981. Nga viti 1982 deri në vitin 1984, punoi si sekretar i të ardhurave shoqërore në Kuvendin Komunal në Pejë. Fillimisht u emërua gjyqtar në Gjykatën Komunale në Pejë (1985-1987), e më pas edhe në atë të Qarkut(1987-992).  Profesionin e avokatit e ushtroi në vitet 1993-1994.  Në vitin 2001, iu kthye sërish Gjykatës së Qarkut në Pejë, por tashmë si bashkëpunëtor profesional, ku punoi deri në vitin 2003. Po në këtë vit u emërua gjyqtar në këtë gjykatë, detyrë të cilën e ushtroi deri në vitin 2012. Nga 1 janari i viti 2013 deri në qershor 2017 ka qenë gjyqtar ne Gjykatën e Apelit. Përpos gjuhës amtare (shqip) flet edhe serbisht dhe gjermanisht.