Emine Kaçiku

Emine Kaçiku është ish-gjyqtare e Gjykatës Supreme të Kosovës. Më 1980 ka përfunduar Fakultetin Juridik në Universitetin e Prishtinës. Nga viti 1980 deri më 1981, është angazhuar si praktikante në Gjykatën e Qarkut në Mitrovicë. Në periudhën 1981-1985, ka punuar si bashkëpunëtore profesionale në Prokurorinë Publike Komunale në Mitrovicë. Nga viti 1985 ka qenë gjyqtare në Gjykatën Komunale në Mitrovicë deri më 1991, kur është larguar nga puna nga pushteti serb. Në vitin  2000 sërish emërohet gjyqtare në në Gjykatën Komunale në Mitrovicë, ku punon deri më 2002. Në periudhën prej vitit 2002 deri më 2010, punon si gjyqtare në Gjykatën e Qarkut në Mitrovicë. Më 16.02.2010, nga Presidenti i Republikës është dekretuar gjyqtare në Gjykatën Supreme të Kosovës. Znj. Kaçiku nga viti 2001 ishte trajnere në Institutin Gjyqësor të Kosovës për arsimimin ligjor për gjyqtarë dhe prokurorë - moduli 29. Është eksperte e certifikuar nga Këshilli i Evropës për trajnimin e gjyqtarëve dhe prokurorëve lidhur me Konventën Evropiane për të Drejtat e Njeriut. Ndërsa, nga viti 2000 deri në vitin 2002, ka qenë këshilltare juridike në OJQ “Motrat Qiriazi”,  dega në Mitrovicë. Nga viti 2010, është trajnuese në programin NITA. Gjithashtu, nga viti 2010 ishte anëtare e komisionit për kompensimin e dëmit për shkak të heqjes pa bazë nga liria dhe dënimi pa arsye.

Përveç gjuhës shqipe, flet edhe gjuhën serbe dhe mesatarisht atë angleze.