Fejzullah Rexhepi

Fejzullah Rexhepi është gjyqtar në Gjykatën Supreme, dega civile. Gjyqtari Rexhepi ka diplomuar në vitin 2000 në Fakultetin Juridik – Universiteti i Prishtinës.   Ai kreu provimin e jurisprudencës në vitin 2003, pasi mbajti praktikën profesionale në Gjykatën Komunale për Kundërvajtje në Ferizaj.   Nga viti 2002 deri në vitin 2005, punoi si përfaqësues i Odës së Avokatëve të Kosovës – projekti për ndihmë juridike.Avokat u bë në vitin 2006, profesion të cilin e ushtroi deri në vitin 2010. Po në këtë vit u emërua gjyqtar në Gjykatën Komunale në Ferizaj, detyrë të cilën e mbajti deri në fund të 2012-ës.  Prej 1 janarit të vitit 2013 deri me 01.09.2015, ishte gjyqtar në Departamentin e Krimeve të Rënda në Ferizaj.   Ndërsa, me  01.09.2015  është zgjedhur gjyqtar në Gjykatën e Apelit, Departamenti i  Përgjithshëm – Divizioni Civil. Në shtator 2020 është zgjedhur gjyqtar në Gjykatën Supreme.