Beshir Islami

Beshir Islami është gjyqtar i Kolegjit të Apelit të Agjencisë Kosovare të Pronës, në Gjykatë Supreme. Më 1985 ka kryer Fakultetin Juridik në Universitetin e Prishtinës. Nga dhjetori i vitit 1985 ka punuar në Administratën e Komunës së Mitrovicës si kryeinspektor i tregut deri në shtator 1990. Nga viti 1993 deri në qershor të vitit 1999 ka punuar si sekretar ligjor i Këshillit Komunal të Arsimit. Nga korriku i vitit 1999 deri në zgjedhjet e para në vitin 2000, ka punuar si sekretar i përgjithshëm i Qeverisë Komunale të Mitrovicës. Nga 15 korriku i vitit 2001 e deri me 4 mars 2006 ka punuar krye-sekretar vendorë për Misionin e Kombeve të Bashkuara në Kosovë, Drejtoria Pronësore-Banesore dhe Komisioni për Kërkesa Pronësore dhe Banesore. Nga marsi i vitit 2006 e deri me 14 maj 2010 ka qenë kryesekretar ligjor në Sekretariatin Ekzekutiv të Agjencisë Kosovare të Pronave per çështje banesore dhe ekzekutim të titujve pronësor. Nga viti 2006 ka qenë i angazhuar në Task Forcën “Standardet para statusit” dhe ka punuar në standardin e 6-të që lidhej me të drejtat pronësore. Më 14 maj 2010, nga Presidenti i Republikës është dekretuar gjyqtar në Gjykatën e Qarkut në Mitrovicë. Nga 1 janari i vitit 2013 deri me 7 gusht 2015 ka punuar në Gjykatën Themelore të Mitrovicë. Më 7 gusht 2015 me dekretin e e Presidentes së Republikës, është emëruar në Gjykatën Supreme të Kosovës në Kolegjin për Ankesa të Agjencisë Kosovare të Pronave.

Ka të kryer trajnimin intensiv në Universitetin për Biznes dhe Teknologji, në lëmin e teknikave të vendim-marrjes, menaxhimit të përparuar, motivimit dhe lidershipit.

Përveç gjuhës amtare shqipe, flet rrjedhshëm gjuhën angleze, serbe dhe kroate.