Shkup, 7 mars 2025 – Kryetari i Gjykatës Supreme të Kosovës, Fejzullah Rexhepi mori pjesë në Forumi e III-të Gjyqësor, mbi Barazinë Gjinore dhe Ballkanin Perëndimor, i cili u mbajt në Shkup të Maqedonisë së Veriut, organizuar nga qendra AIRE me mbështetjen e Qeverisë Britanike.
Gjatë këtij takimi u diskutuan një varg temash me rëndësi për barazinë gjinore si; Detyrimet procedurale për të hetuar, ndjekur penalisht dhe ndëshkuar femicidin dhe dhunën me bazë gjinore sipas neneve 2, 3, 8 dhe 14 të KEDNJ-së; Dhuna në familje dhe dhuna me bazë gjinore dhe GJEDNJ-ja – praktika e fundit gjyqësore; Përmirësimi i reagimit gjyqësor ndaj dhunës me bazë gjinore dhe femicideve në Ballkanin Perëndimor – hapat e ardhshëm etj..
Po ashtu, gjatë takimit, u prezantuan gjetjet dhe rekomandimet e hulumtimit “Gratë dhe financimet e paligjshme”.
Pjesë e këtij forumi ishin përfaqësues të lartë të vendit nikoqir, përfaqësues të drejtësisë nga vendet e rajonit, gjyqtarë të Gjykatës Evropiane për të Drejtat e Njeriut etj..